وآدي آخرة التلطيش..
واللي قالوا القمامة
هتطهر نفسها..
وازاي هترمي حاجة
انت حتة منها..
لا عاوزين الفاشل،
ولا ينفعنا الجبان،
لا الغبي يمشيها..
ولا الأناني كمان،
احنا اتهرينا يا حاجة...
فرصة وعرفنا عيوبنا
حجم الخيبة الكبير..
ومستوى التبرير ،
والبنت لسة بتقاوح…
وتقولي ما غلطناش
وآسفة دست صباعك..
دي بس كات غلطتي
جهل وغشم ممدود..
وصوت عالضعيف مفرود ،
ودان مقفلة بالطين…
ادينا شفنا المراية
وعمنا الأراجوز..
وشه الملون بان
واللي كان مدروش..
زي البهلوان عريان
طلع مرمطون وجبان..
وندالته مش حجة
الحجة دي عدوك..
شماعة التبرير
وخيانته من خيبتك..
يا تفوق وتتعلم
يا توسع السكة..